ឧកញ៉ាក្រឡាហោម សឺនឌៀប ( Son Diep ) ( ១៨៥៥ - ១៩៣៤ )

 ជាកូនកសិករម្នាក់ដែលមានស្រុកកំណើតនៅខេត្តឃ្លាំង កម្ពុជាក្រោម ។ ឪពុកឈ្មោះ សឺន ល័ក្ខ ( Son Lek ) ម្តាយ នាង ពេជ ( Neang Pech ) ។
គាត់បានសិក្សារៀនសូត្រនៅវត្តពេជ្រ ស្រុកជ្រោយញ៉ ខេត្ត ពល្លាវ ( បច្ចុប្បន្ន ខេត្តឃ្លាំង ) និងបន្តរការសិក្សាភាសាបារាំង នៅមហាវិទ្យាល័យមួយនៃទីក្រុងព្រៃនគរ ឈ្មោះ collège d’Adran ។នៅក្នុងឆ្នាំ ១៨៧៧ លោកបានកាន់តំណែងជាអ្នកបកប្រែក្នុង ប្រចាំនៅទីក្រុង ពៃ្រនគរ ។
នៅឆ្នាំ ១៨៨៧ គាត់ទទួលបានការអនុញ្ញាតពីអាជ្ញាធរបារាំង ឱ្យត្រឡប់ទៅខេត្តរបស់គាត់វិញ គឺខេត្តឃ្លាំង ។ លោកត្រូវបានតែងតាំងតំណែងជាហ្វៀន (ពាក្យយួនមានងារស្មើ នឹងចៅហ្វាយស្រុក) ថ្នាក់ទី១ នៅស្រុកទ្រាំងនៅកម្ពុជាក្រោម ។

ក្នុងឆ្នាំ ១៩០៨ គាត់ត្រូវបានតែងតាំងជាឧកញ៉ា ក្រឡាហោម រដ្ឋមន្រ្តីនៃកងទ័ពជើងទឹក កសិកម្ម, ពាណិជ្ជកម្មនិងឧស្សាហកម្ម។ ក្នុងឆ្នាំ ១៩២៣ គាត់ត្រូវបានតែងតាំងជាឧកញ៉ា យមរាជ រដ្ឋមន្រ្តីក្រសួងយុត្តិធម៌ ។

 រូបភាព ៖ ទ្រង់ស៊ីសុវត្ថិ និងរដ្ឋមន្ត្រី រាប់ពីឆ្វេងទៅស្តាំ  

1.Son Diep,
2. Monivong,
3. Sisowath,
4. Thiounn,
5. Ponn,
6. Chhum,

 រាប់ពីស្តាំទៅឆ្វេង ៖

១ ឧកញ្ញាយោមរាជ កុលដឺមុងតេរ៉ូ

២ ជវាវាំង ធួន

៣ ឧកញ្ញា សឺនឌៀប

គាត់បានទទួលមរណៈភាពនៅថ្ងៃទី ១២ ខែមេសាឆ្នាំ ១៩៣៤ ជុន្មាយុ ៧៩ ឆ្នាំ។ កូនស្រីទីពីររបស់លោកឈ្មោះ សាន់ណារី ( Neang Sunnary ) រៀបការជាមួយនឹងព្រះអង្គម្ចាស់ស៊ីសុវត្ថិ មុន្នីពង្ស ដែលជាបុត្រារបស់ព្រះបាទស៊ីសុវត្ថិមុនីវង្ស ។
លោកបានទុកស្នាដៃអក្សរសិល្ប៍ជាកម្រងកំណាព្យមួយនិពន្ធពេលលោកមកកាន់ប្រទេស បារាំងក្នុងពេលពិធីតាំងពិពណ៌អន្តរជាតិនៅក្រុងប៉ារីស មានចំណងជើងថា " ល្បើកពីស្រុកព្រៃនគរទៅក្រុង បារាំងសែស ។
...............................
prépare et traduit par : ជេន្ទ្រ ឌី