សង្រ្គាមតំបូងរបស់ពីរ៉ាមីត ភាគទី២

នៅក្នុងការប្រយុទ្ធនោះ កងទ័ពរបស់ Horus បានចាប់បានចំណាប់ខ្មាំងចំនួន ៦៥១នាក់ និងពួកគេត្រូវសំលាប់ចោលនៅពេលចូលទៅដល់ក្នុងទីក្រុង។ នៅពេលទៅដល់ទីក្រុង Horus បានឈរនៅពីមុខយាន្ត “ឥន្រ្ទីលើអាកាស (បល្ល័ងដ៏ចែងចាំងរបស់ព្រះអទិទេព ជាយាន្តតែមួយ)” រួច ដោយក្នុងដៃមានលំពែងដែក និងច្រវ៉ាក់ Thoth បានប្រកាសអំពីជោគជ័យ និងជាអ្នកនាំមកសន្តិភាព។ ទោះបីជាបានប្រកាសថា   អេស៊ីបមានសន្តិភាពពិតមែន ក៏នៅតែក្រុមអទិទេពរបស់ Horus បានបន្តដំណើរទៅកាន់ភាគខាងជើង ដោយមានក្រុមកងពលទ័ព ដែកការពារពីចំហៀង និង​ Ra Horus និង Thoth ធ្វើដំណើរពីលើដើម្បីស្វែងរកកងទ័ពសត្រូវ។ ពួកគេបានមកដល់តំបន់ដែលមានច្រវ៉ាក់បឹង ដែលបែងចែងតំបន់គ្រប់គ្រង Horus និង Seth ដែលទល់ខ្នងទៅនឹងសមុទ្រមេឌីទែរ៉ាណេ។ អស់រយះកាល ៤យប់ ៤ថ្ងៃ កងទ័ព Horus មិនបានឃើញកងទ័ពសត្រូវមួយទាល់តែសោះ រហូតដល់ Ra បានបញ្ជេញពន្លឺដ៏ខ្លាំងក្លាពីយាន្តដ៏ចែងចាំងទើបពួកគេបានឃើញកងទ័ពសត្រូវ។ រំពេចនោះ Horus បានចោលលំពែងដែក និងបានបញ្ជាអោយកងទ័ពលំពែងដែករបស់ខ្លួនចូលប្រយុទ្ធ ដែលតាមរយះស្រ្គីបនៅអេស៊ីបបានសរសេរថា​ Horus បានចាប់បានអ្នកទោសចំនួន ១៤២ និងបានអោយពួកគេឈរពីមុខយាន្ត របស់ Ra​​​ រួសំលាប់ចោល។

នៅក្នុងសិលាចារិកនៅវិហារ Edfu បានសរសេរថា កងទ័ពរបស់សត្រូវ បានធ្វើដំណើរទៅកាន់ភាគខាងជើងរហូតដល់​ “បឹងនៅខាងភាគខាងជើង (សមុទ្រមេឌីទែរ៉ាណេ)” ដែលពួកគេបានឆ្លងទៅកាន់ទឹកដីរបស់ Seth ក៏ប៉ុន្តែអទិទេពបានធ្វើអោយពួកគេ ភិតភ័យនៅកណ្តាលបឹង រួចក៏រត់ចូលទឹកដីរបស់ Seth។ កងទ័ពរបស់ Horus បានតាមកងទ័ពសត្រូវរហូតដល់ទឹកដីរបស់ Seth ជាកន្លែងដែលកងទ័ពទាំងពីរបានធ្វើការប្រយុទ្ធ ដោយកងទ័ព Horus បានចាប់អ្នកទោស ៣៨១​នាក់ និងបានសំលាប់ចោលពេល    ភ្លាមៗ នោះដែរ ក៏ប៉ុន្តែមិនបានបញ្ជាក់ពីអំពីចំនួនរងគ្រោះពីភាគីទ័ព Horus នោះទេ។ សិលាចារឹកបានសរសេរតទៀតអំពីសង្រ្គាម រវាង Horus និង Seth ទាំងនៅលើអាកាស លើដី និងការប្រយុទ្ធបែបអទិទេព។ នៅក្នុងសៀវភៅរបស់លោក E.A Wallis Budge ដែលមានឈ្មោះថា “អទិទេពរបស់អាណាចក្រអេស៊ីប” (The God of Egyptians)បានសរសេរអំពីការដែលកងទ័ពរបស់ Horus បានបំពាក់ដោយអាវុធដែក ហើយក៏ជាពេលដែលមនុស្សលោកចេះប្រើដាវក្នុងការសំលាប់មនុស្សគ្នាឯង។ ពពួកកងទ័ពដែក ទាំងអស់នោះ​ដែលបានបង្កើតឡើងដោយ Horus តាមការពេញចិត្តរបស់ Ra នឹងត្រូវរស់នៅក្នុងទីក្រុង Edfu និងទទួលបានភាពសំបូរសប្បាយដោយពួកគេបានសំលាប់សត្រូវរបស់ Horus និងបានក្លាយខ្លួនជាបេសកជនរបស់ Horus នៅពេលដែលសង្រ្គាមចប់។ នៅសង្រ្គាមចុងក្រោយ Seth ត្រូវ Horus បាញ់ទំលាក់ពីអាកាស និងបានរត់ចេញខ្លួន និងបានរកឃើញ ហើយក៏ត្រូវចូលសវនការដែលតម្រូវអោយ Seth និរទេសខ្លួនទៅកាន់តំបន់អាស៊ីខាងកើត ទៅកាន់កន្លែងដែលអាចអោយគេនិយាយទាក់ទងបានពីលើមេឃ។
បន្ទាប់ពីបានអានអត្ថនេះចប់ ខ្ញុំសង្ឃឹមថាប្រិយមិត្តអ្នកអានប្រាកដជាមានមន្ទិលសង្ស័យថា ហេតុអ្វីបានជានៅជំនាន់នោះមានសង្រ្គាមជាលក្ខណៈវិទ្យាសាស្រ្តដូចនៅក្នុងរឿង Star Wars​​ ដូច្នោះដែរ? តើបំនែកនៃភស្តុតាងនៅទីណា? តើហេតុបានជាមិនមានរដ្ឋាភិបាល ឬអង្គការអន្តរជាតិចុះផ្សាយពីរឿងរ៉ាវទាំងអស់នេះ? ពិតមែនហើយ សង្រ្គាមទាំងអស់នេះពិតជាបានកើតឡើងរាប់ពាន់ឆ្នាំមកហើយ ចំណែកឯភស្តុតាងត្រូវបានរលប់ និងកប់នៅក្នុងដីខ្សាច់អស់ទៅហើយ ប្រសិនជាមានអង្គការអន្តរជាតិ រឺបុគ្គលណាហ៊ានទទួលស្គាល់ រីបញ្ជេញពត៌មានទាំងអស់នេះ ជីវិតរបស់ពួកគេនឹងស្ថិតនៅក្នុងសភាពគ្រោះថ្នាក់ ពីព្រោះពិភពលោកបច្ចុប្បន្ន ត្រូវបានគ្រប់គ្រងដោយសាសនា និងជនមានអំណាចមួយចំនួនតូចដែលព្យាយាមលាក់បាំងនឹងរឿងរ៉ាវទាំងអស់នេះ ដើម្បីលាក់បាំង ប្រជាជន ពីព្រោះប្រសិនជាប្រជាជនមានការដឹងលឺអំពីបញ្ហានេះ ពិភពលោកប្រាកដជាស្ថិតនៅក្នុងភាពច្របូកច្របល់ជាក់ជាមិនខាន ចំណែកឯអំណាចពួកបុគ្គលទាំងអស់នោះក៏ច្បាស់ជាធ្លាក់ចុះ។