ទម្លាប់ទាំង៧យ៉ាងដែលធ្វើឲ្យមុខរបរអ្នកបាត់បង់ដែលអ្នកគួរតែលប់បំបាត់វាចោល

ទម្លាប់គឺជារឿងមិនសមរម្យមួយដែលកើតឡើងមកលើអាកប្បកិរិយារបស់យើងទោះបីជាយើងមិនទទួលស្គាល់
វាក៏ដោយ ។ នៅពេលទម្លាប់បានផុសជារូបរាងឡើង ការសម្រេចចិត្តបានធ្វើឲ្យផ្នែកមួយនៃខួរក្បលស្ទើរតែលែងដំណើរការ ហើយពេលនោះរាងកាយរបស់យើងចាប់ផ្តើមបញ្ចេញសកម្មភាពដែលជាទម្លាប់របស់យើងតែងតែធ្វើចេញមក ។ ទម្លាប់មិនមែនជាគោលបំណងដែលយើងតែងតែចង់បង្កើតវានោះទេ ហើយវាក៏មិនមានប្រយោជន៍នោះដែរ។ ករណីខាងលើនេះ គឺមានពិតនៅក្នុងអាជីពរបស់យើង ដែលជាទម្លាប់មិនល្អដែលតែងតែ បំផ្លាញឱកាសនៃការរីកចម្រើនរបស់យើង ។ ដោយសារតែមានគំនិតដូច្នោះហើយ យើងមិនគួររក្សាវាទុកទៀតនោះទេ ។
 

ខាងក្រោមនេះគឺជាទម្លាប់មិនល្អទាំង៧យ៉ាងនោះ  ៖

១. ការពន្យាពេលវេលា (Procrastination)

តើអ្នកមានអារម្មណ៍ថាអ្នកធ្វើការល្អបំផុតទេបើអ្នកស្ថិតនៅក្រោមសម្ពាធណាមួយ ? ចូរមានការប្រុងប្រយ័ត្នអំពីការយកលេសនៅកន្លែងធ្វើការងារ ។ នៅពេលដែលអ្នកប្រញាប់ប្រញាល់ត្រូវធ្វើការអ្វីមួយឲ្យរួចនោះ នៅនាទីចុងក្រោយអ្នកតែងតែដាក់សម្ពាធទៅលើអ្នករួមការងារ ឬចៅប្រធានអ្នក នៅពេលនោះអ្នកនឹងធ្វើ ការងារនោះខុសច្រើនដងថែមទៀតហើយអ្នកពាក់់ពាន់នឹងអ្នកមិនគាំទ្រអ្នកឡើយ នៅពេលមានការតម្លើងដំណែងពេលក្រោយ។ អ្នកត្រូវតែប្តូរទម្លាប់បែបនេះទៅជាការប្រកួតមួយដើម្បីឲ្យដឹងថា តើអ្នកអាចធ្វើវាបានលឿនប៉ុណ្ណា ហើយមានគុណភាពល្អប៉ុណ្ណា ។

២. ពាហិរកថា (ការនិយាយកុហក)

តើអ្នកកុហកអំពីស្ថានភាពមួយដើម្បីធ្វើឱ្យខ្លួនអ្នកមើលទៅល្អ ឬបញ្ចៀសការអាម៉ាស? ទម្លាប់នៃការប្រាប់ពាក្យមិនពិត ( ទោះបីជាតូចជាយ៉ាងណា ដោយ) សម្រាប់ផលប្រយោជន៍ផ្ទាល់ខ្លួនរបស់អ្នកនឹងបំផ្លាញអាជីពរបស់អ្នក។ ភាពមិនស្មោះត្រង់នៅកន្លែងការងារគឺជាចំណោទរអិលជាពិសេសនៅពេលដែលអ្នកភ្លេច ហើយអ្នកនឹងឆ្លើយខុសពេលគេសួរអ្នកក្រោយទៀត ។

ប្រសិនបើអ្នកយល់ថារឿងណាមួយដែលជាការកុហក ឬលាក់បាំងការពិតនោះ អ្នកមិនត្រូវនិយាយវានោះទេ ។ អ្នកត្រូវរកវិធីបញ្ចាប់ការសន្ទនារបស់អ្នកជាជាងនិយាយដោយប្រើពាក្យកុហក ។

៣. ការរអ៊ូរទាំ ឬត្អូញត្អែ

ការធ្វើខ្លួនជាមនុស្សគិតក្នុងផ្លូវមិនល្អ នឹងត្រូវបានគេដាក់ឈ្មោះថាជាមនុស្សរំខានគេ ហើយអ្នកធ្វើការជាមួយ នឹងប្រធានរបស់អ្នកនឹងគេចចេញពីអ្នក ឬបញ្ឈប់អ្នកពីកន្លែង
ធ្វើការងារ ។ ការជម្រុះចោលនូវទម្លាប់នេះចេញ គឺជារឿងពិបាក តែយើងអាចធ្វើបានដោយផ្តោតការយកចិត្តទុកដាក់តែលើរឿងណាដែលយើងពេញចិត្តចំពោះវា ឬនាំឲ្យយើងសប្បាយចិត្ត ។ ការផ្លាស់ប្តូរទម្លាប់នេះចោលបាន វានឹងរុញច្រានការងាររបស់អ្នកឲ្យមានការរីចម្រើនទៅមុខ ។

៤. ការចាត់ចែងការងារយឺត

មានមនុស្សច្រើនណាស់ដែលបានដឹងថាការងារមួយត្រូវប្រើរយៈពេលប៉ុណ្ណាទើបរួចនោះ តែជាអកុសលបើយើងមិនត្រួតពិនិត្យវាទេនោះ ទម្លាប់ធ្វើការយឺតចាស់ នឹងនៅតែបន្តជាដរាប ។ ការចាត់ចែងការងារយឺតនឹងត្រូវបានប្រធានលែងទុកចិត្តហើយនឹងមិនប្រគល់ការងារសំខាន់ៗឲ្យធ្វើបន្ត

ទៀតទេ ។ ដើម្បីលុបបំបាត់ទម្លាប់នេះចេញ អ្នកត្រូវបន្ថែមពេលឲ្យខ្លួនឯង១៥នាទី ទៀត ក្នុងការចាត់ចែងការងារ ហើយបើនៅតែមិនទាន់ពេលវេលាទៀតនោះត្រូវឲ្យមិត្តភក្តិដាក់ពីន័យអ្នកតាមការជាក់ស្តែងដែលអ្នកគិត

ថាសមរម្យ ។

៥. ការនិយាយរឿងគ្មានប្រយោជន៍

មានពេលវេលាជាច្រើនដែលអ្នកអាចយកមកនិយាយរឿងផ្សេងៗ ដើម្បីឲ្យមានភាពសប្បាយរីករាយ តែក្នុងកំឡុងពេលធ្វើការងារអ្នកមិនត្រូវលើកយករឿងណាមួយមកនិយាយនោះទេ ហើយបើការនិយាយរឿងមិនល្អវិញនោះ វានឹងធ្វើឲ្យអារម្មណ៍អ្នកធ្វើការងាររួមជាមួយអ្នក មួរម៉ៅទៅវិញទេ នៅពេលធ្វើការងារចប់ ។

៦. ការមើលពីប្រព័ន្ធផ្សព្វផ្សាយក្នុងសង្គមនៅកន្លែងធ្វើការងារ

ការឆែកមើលពីប្រព័ន្ធផ្សព្វផ្សាយផ្សេងៗនៅកន្លែងធ្វើការងារទោះជាតាមរយៈកុំព្យូទ័រក្តី ឬទូរស័ព្ទដៃក្តីនៅកន្លែងការងារ ជាទម្លាប់ខ្ជះខ្ជាយពេលវេលា ក៏ដូចជាភាពមិនទទួលខុសត្រូវលើការងារផងដែរ ។ ដើម្បីរក្សាការងារអ្នកបន្តទៅទៀតនោះអ្នកត្រូវតែឆែកមើលព័ត៌មាននៅពេលញ៉ាំអាហារថ្ងៃត្រង់ ឬពេលទំនេរ ។​ អ្នកត្រូវប្រើពេលវេលាធ្វើការប្រកបដោយវិជ្ជាជីវៈ នឹងទទួលខុសត្រូវខ្ពស់ចំពោះតួនាទីរបស់អ្នក ។

៧. មិនពូកែទំនាក់ទំនង (ជំនាញទំនាក់ទំនងនៅមានកម្រិត)

នៅពេលអ្នកដឹងថាខ្លួនអ្នកមិនដែលឆ្លើយតប អ៊ីម៉ែល ហើយការប្រើវេយ្យាករណ៍មិនទាន់បានត្រឹមត្រូវល្អក្នុងការទំនាក់ទំនង ឬមានទម្លាប់ចុចប៊ិចនៅពេលប្រជុំ នោះមានន័យថា ការទំនាក់ទំនងរបស់អ្នកនៅមានកម្រិតនៅឡើយទេ ។ ការធ្វើបែបនេះគឺមានការរំខានដល់អ្នករួមអាជីព ឬក៏ជាការបង្ហាញថាអ្នកធ្វើព្រងើយកន្តើចំពោះការងារ ហើយអ្នកនឹងមិនត្រូវបានតម្លើងតំណែងនោះឡើយ ព្រោះថាអ្នកមិនទាន់មានការទំនាក់ទំនងបានល្អនៅឡើយ ។

វាជាការងាយស្រួលណាស់ក្នុងធ្លាក់ចូលទៅក្នុងទម្លាប់អាក្រក់ ដែលអាចបំផ្លាញការងាររបស់អ្នក តែដោយការចៀសវាងនូវទម្លាប់មិនល្អទំាង៧យ៉ាងខាងលើនេះចេញនោះការងាររបស់អ្នកនឹងមានការ

រីកចម្រើនជាលំដាប់ ។