ការ រៀនភាសាមិនថាភាសាអង់គ្លេសឬភាសាណាទេដើម្បីឲ្យរៀនចេះទៅ បានលុះត្រាណាតែអ្នករៀនមានចិត្តចង់រៀនស្រឡាញ់ចូលចិត្តភាសានោះ សិន។ បន្ទាប់មកត្រូវមានវចនានុក្រមល្អមួយឬច្រើន ដែលអាចប្រាប់ពីអត្ថន័យ និងការបញ្ចេញសំលេងយ៉ាងត្រឹមត្រូវ។ សម័យបច្ចុប្បន្ន មិនលំបាករកវចនានុក្រមទេ។ កម្មវិធីវចនានុក្រមជាច្រើនដែលអ្នកសិក្សា អាចតំឡើងក្នុងកុំព្យទ័របាន ទាំងវចនានុក្រមខ្មែរអង់គ្លេស អង់គ្លេសខ្មែរ និងអង់គ្លេស អង់គ្លេស។ គេគួរជ្រើសរើសយកវចនុនានុក្រមដែលមានបញ្ចេញសំលេង របស់ជនជាតិដើម អាមេរិក ឬអង់គ្លេស។ រួចត្រូវមានទម្លាប់ឧស្សាហ៍ប្រើប្រាស់ភាសាអង់គ្លេសឲ្យត្រឹមត្រូវ តាមសំនៀងដើម។ អ្នកសិក្សាខ្លះមិនយកចិត្តទុកដាក់លើចំនុចនេះទេ ចេះតែទម្លាប់អានឬនិយាយទៅតាមការស្មានរបស់ខ្លួន លុះយូរៗទៅក៏ធ្លាប់ពិបាកកែ ហើយគិតថាការបញ្ចេញសំលេងដូចសាសន៍ដើមជារឿងពិបាកទៅរួច។ ចូរគិតមើលថាក្មេងតូចម្នាក់ហេតុអ្វីពេលទៅរស់នៅស្រុកគេ បែរបញ្ចេញសំលេងដូចសាសន៍គេទៅវិញ នេះមកពីពួកគេឮឬនិយាយបានត្រឹមត្រូវតាំងពីពេលឮសូរដើមដំបូង មកម្ល៉េះ។ ការសរសេរក៏ដូចគ្នា ចូរទម្លាប់សរសេរឲ្យត្រូវតាមក្បួនវេយ្យាករណ៍ បើពាក្យណាមាន s គួរដាក់ s ជាពិសេសស ការផ្ញើរសារជាអក្សរឬអ៊ីម៉ែល មនុស្សទូទៅច្រើនទម្លាប់វាយលឿនមិនគិតពីវេយ្យាករណ៍។ ក្រៅពីនេះ ត្រូវសិក្សាបន្ថែមឲ្យបានច្រើនតាមរយៈការអាន ឬមើលភាពយន្តជាភាសាអង់គ្លេស លៃយ៉ាងណាឲ្យនៅជុំវិញខ្លួនយើងសុទ្ធតែភាសាអង់គ្លេស។
No comments:
Post a Comment